Kryeministri Edi Rama deklaroi nga Kamza se qeveria po punon që situatën e krizës ta kthejë në mirësi për Shqipërinë dhe shqiptarët.

Ai u shpreh se po shkohet drejt planit për ta kthyer Shqipërinë në eksportues neto që të mos detyrohemi të blejmë energji por të plotësojmë nevojat tona dhe atë që mbetet ta shesim jashtë vendit.

“Ne dhe këtë situatë do ta kthejmë në mirësi për Shqipërinë dhe shqiptarët. Po shikojmë qartësi komplete për ta kthyer Shqipërinë në eksportues neto që të mos detyrohemi të blejmë energji nga jashtë.

Që të plotësojmë nevojat tona dhe çfarë mbetet ta shesim. Një pjesë e projekteve kanë filluar. Do e kthejmë në mirësi duke fuqizuar më shumë të gjithë njerëzit duke rritur pagat dhe pensionet. Buxheti që do kalojmë në parlament është 2-fishi i buxhetit të vitit 2013.

Imagjinoni sa shumë më tepër do kishim bërë po të mos kishim pasur tërmet dhe pandemi. Janë të gjitha para që janë nxjerrë nga rritja ekonomike dhe rritja jonë e përbashkët. Të gjitha të tjerat që nuk ekzistojnë”, tha Rama.