Të tjera detaje janë mësuar në lidhje me ngjarjen e ndodhur sot në Divjakë, ku të plagosur mbetën kryebashkiaku Fredi Kokoneshi dhe shoferi i tij Gazmend Bullari.

Autor është Orgest Xhelili, një ish punonjës IT në bashki, që ka pasur një debat me tone të ashpra me Kokoneshin, që u qëllua më pas me thikë.

Shoferi i tij ka ndërhyrë në konfliktin mes tyre dhe ka mbetur i plagosur edhe ai.

Ngjarja ka ndodhur pranë bashkisë së Divjakës teksa shkak mësohet se ka qenë largimi i ish punonjësit të IT nga puna në bashkinë e Divjakës. Ndërkohë gruan e autorit e kanë larguar nga shefe pavioni në ambulancën e Divjakës  një vend pune në tjetër.

Konflikti mes tyre ka qenë verbal dhe më pas Xhelili e ka qëlluar me thikë atë teksa ka ndërhyrë edhe shoferi i kryebashkiakut, që po ashtu ka mbetur i plagosur me thikë.

Ndërkohë në spitalin e Lushnjës, ka mbërritur kreu i grupit Parlamentar të PS-së, Taulant Balla, i cili ka vizituar të plagosurit. Ai tha se  ngjarja është frymëzuar nga ndasitë politike