Meta: Mirëmbrëma Tirana, Shqipëria! Mirëmbrëma lideri i PD-së Zoti Berisha dhe gjithë shqiponjave që janë këtu, në himnin tonë nuk ekziston fjala dorëzim por tradhëtor, nga lufta vec ai largohet që është lindur tradhëtor.

Sot tradhëtorin e ndjek triumfi i demokracisë, shumë shpejt do vihet para drejtësisë, sepse jeni ju që e mbani këtë vend në këmbë me mundin djersën dhe sakrificat tuaja. Ju që keni të drejtë të kërkoni llogari qeverisë dhe çdo zyre, dhe ta shporrni kur drejtuesit e saj grabisin. Rilindja ka vetëm një agjendë: vidh, shpopullo, ç’kombëtarizo!

Sot jemi ndër vendet e para në botë për korrupsion, shtëpia e tij janë offshoret, premtoi 300 mijë vende të reja punë por dëboi mbi 740 mijë shqiptarë. Sot Shqipëria ka nr më të madh të të burgosurve dhe numrin më të lartë të gjobave që u vihet qytetarëve. Premtoi luftë kundër varfërisë, ndërsa sot jetohet me më pak se 5.5 dollarë në ditë. Po kështu, Tirana është kryeqyteti i parë në botë, për numrin e gjobave që u vihen qytetarëve.