Reagimet kanë qenë të shumta për shpërthimin i cili shkaktoi viktima, të plagosur dhe kaos në Turqi.
Deri tani raportohet për 6 viktima dhe 81 të plagosur nga një shpërthim që ndodhi në një rrugë të populluar të Stambollit.

Ndërkohë nënpresidenti Turk ka konfirmuar se një grua ka qenë autorja e shpërthimit t bombës.

Presidenti i Republikës dhe Ministria e Jashtme kanë reaguar në lidhje me tragjedinë duke u lutur për familjet e viktimave të sulmit vdekjeprurës.

Reagimi në Twitter i Presidentit të Republikës SH.T.Z Bajram Begaj mbi ngjarjen në Stamboll:

“Lutjet tona janë për familjet e viktimave dhe të plagosurve nga shpërthimi vdekjeprurës në Stamboll, këtë pasdite. Të tronditur nga kjo tragjedi, ne qëndrojmë pranë Turqisë dhe dënojmë çdo akt që synon cënimin e njerëzve të pafajshëm!”

Ministria e Jashtme Olta Xhaçka në reagimin e saj për viktimat në shtetin Turk:

“Pamje tragjike ato që vijnë nga Stambolli. Zemrat dhe mendimet tona shkojnë për familjet e të vrarëve dhe të plagosurve. Ne qëndrojmë pranë Turqisë dhe njerëzve të saj në këtë ditë të dhimbshme”.