Kryetarja e KOKOE, Albana Vokshi doli para medieve, ku foli për procesin e deritanishëm të primareve të Partisë Demokratike në gjithë vendin.

Ajo

u shpreh se deri tani ka pasur një pjesëmarrje shumë të lartë, ndërsa vazhdon interesimi i demokratëve për të votuar në procesin e primareve.
Sipas Vokshit, deri në orën 13:00, ka pasur më shumë votues se në çdo proces tjetër të zhvilluar në strukturat e Partisë Demokratike.

“Pjesëmarrja është e jashtëzakonshme. Procesi po vazhdon me ritme të larta dhe ne si komision jemi munduar të akomodojmë çdo problematikë. Nëse bëjmë një krahasim me numrin e votuesve të sotëm deri në orën 13:00, numri i votuesve është shumë më i lartë se në zgjedhjet e tjera. Thirrja ime në këtë orë të mbetura, derisa të votojnë edhe demokrati i fundit, për çdo person të regjistruar në listat e PD të shkojë dhe të votojë. Për herë të parë në një parti politike vendimmarrja i ka kaluar mbështetësve të saj. Është procesi më demokratik. Qytetarët besojnë në këtë proces dhe kjo tregohet edhe me numrin e votuesve”, theksoi mes tjerash Vokshi.