Teksa ka nisur punët samiti BE-BP, opozita ka paralajmëruar për protestë rreth orës 12:00. Disa protestues kanë mbërritur në selinë blu. Ata për Faxnews kanë thënë se do të protestojnë para Kryeministrisë me lule e pankarta.
“Nuk kemi punë me policinë, ata janë shokët tanë. Ne do shkojmë te kryeministria me lule dhe pankarta. Protestojmë ti tregojmë botës se nuk është demokraci. E duam Shqipërinë si e gjithë Europa. Këtë sharlatan ta heqim”– kanë thënë ata.
Raportohet se demokratët do të mblidhen nga rrugë të ndryshme të Tiranës në Sheshin Skëndërbej apo dhe në vende të tjera.
Grumbullimi i tyre pritet të nisë rreth orës 11:30. Ndërkohë që në këtë orë do të nisë marshimi i simpatizantëve apo dhe përfaqësuesve të PD-së nga selia blu dhe më pas do të bashkohen të gjithë para ish-hotel Dajtit. Kujtojmë se kjo zonë është bllokuar si perimetër sigurie për shkak të mbajtjes së samitit.
