Kreu i PD Sali Berisha ka dalë nga shtëpia e tij dhe është nisur në këmbë drejt selisë blu. Berisha ka paralajmëruar sot një protestë rreth orës 12:00 teksa mbahet edhe samiti i BE-BP për herë të parë në vendin tonë.
Raportohet se demokratët do të mblidhen nga rrugë të ndryshme të Tiranës në Sheshin Skëndërbej apo dhe në vende të tjera.
Grumbullimi i tyre pritet të nisë rreth orës 11:30. Ndërkohë që në këtë orë do të nisë marshimi i simpatizantëve apo dhe përfaqësuesve të PD-së nga selia blu dhe më pas do të bashkohen të gjithë para ish-hotel Dajtit. Kujtojmë se kjo zonë është bllokuar si perimetër sigurie për shkak të mbajtjes së samitit.