Kryetari i Partisë Demokratike, Sali Berisha ka uruar 32-vjetorin e themelimit të partisë. Ai thotë se PD-ja solli pluralizmin politik në vend dhe kontribuoi në thellimin e vlerave të lirisë.

Urimi i Berishës:

“Gëzuar ditëlindjen e Partisë Demokratike!Gëzuar 32 vjetorin e themelimit të Partisë Demokratike njëherazi dhe pluralizmit politik në Shqipëri”, shkruan Berisha.
Po ashtu edhe ish-kreu i saj, Lulzim Basha, në mesazhin e urimit tha se PD-ja ka lindur mes sakrificash dhe do të vijojë të ngrihet më e fortë.

Urimi i Bashës:

“Partia Demokratike ka lindur e re dhe do të mbetet e re, ka lindur europiane dhe do të mbetet europiane, ka lindur kombëtare dhe do të mbetet kombëtare, ka lindur mes sakrificash, e mbi sakrificat do të ngrihet më e fortë, ka lindur si shpresë e shqiptarëve për ndryshim dhe do të jetë sërish shpresa e tyre, ka lindur e madhe dhe do të bëhet edhe më e madhe, për Shqipërinë, për demokracinë. Gëzuar 32 vjetorin e themelimit të Partisë Demokratike! Zoti i bekoftë shqiptarët dhe Shqipërinë”, shkruan Basha.