Mediat në Mbretërinë e Bashkuar kanë publikuar pamjet e para nga operacioni i kërkim-shpëtimit në fundosjen e gomones me emigrantë.

Më herët u raportua se 43 emigrantë janë shpëtuar, ndërsa 3 kanë humbur jetën.
Në foto duket gomonia që është çarë dhe emigrantët që tentojnë të shpëtojnë, teksa një ekip shpëtimi iu është afrua.

Në operacionin e kërkim-shpëtimit u përfshinë edhe helikopterë dhe ekipe franceze dhe mjetet e tyre. Ngjarja e rëndë mendohet të ketë ndodhur rreth orës 04:00 të mëngjsit, kur janë dhënë raportet e para për një varkë të dëmtuar. Qeveria britanike ka reaguar duke thënë se është në dijeni për incidentin.