Një shqiptar në Angli është dënuar me 7 vite burg nën akuzën se ka përdhunuar një vajzë në shtëpinë e saj, e cila e kishte ftuar pasi u njohën në një restorant. Klodjan Samurri, 29 vjeç, sulmoi vajzën pasi e takoi gjatë një nate në veri të Londrës në qershor të vitit të kaluar, raportojnë mediat e huaja.
Vajza tha në gjykatë se ishte shtrirë në krevat dhe ishte zgjuar teksa Samurri po kryente marrëdhënie seksuale me të. Samurri mohon dy akuza përdhunimi, por u shpall fajtor për një prej tyre. Shqiptari u dënua me shtatë vjet burg dhe do të shënohet në regjistrin e sulmuesve seksualë.
Paditësja kishte dalë me një grup shoqesh më 26 Qershor 2021 kur njohu Samurrin. “Ato hëngrën dhe u larguan midis orës 11-12. Morën rrugën për në shtëpi dhe u ulën në një restorant italian të njohur për dy prej vajzave pasi porosisnin aty rregullisht”, tha prokurorja Katrina Charles.
