Ministrja e Financave dhe e Ekonomisë, Delina Ibrahimaj komentoi situatën ekonomike në vend. Ajo theksoi se në krahasim me vendet e rajonit, ekonomia e Shqipërisë në tre muajt e fundit ka pasur rritje të konsiderueshme, ku vrullin kryesor e ka pasur ndërtimi dhe bujqësia.

Sipas saj, rritja ekonomike më vend ka prekur të gjithë sektorët, ndërkohë shtoi se eksportet e mallrave dhe shërbimeve.

“Në krahasim me vendet e rajonit 3 muajt e fundit kemi rritje. Tregtia me shumica ka pasur ecuri pozitive, ndërkohë industria ka pësuar rënie. Kemi pasur një ecuri pozitive të importeve dhe eksporteve të mallrave dhe shërbimeve. Rritja ka qenë e shpërndarë në të gjithë sektorët, sektori i shërbimeve është rritur me 11%”, tha ajo.

Ministrja në konferencë për mediat u shpreh se gjatë këtij janë rritur investimet e huaja direkte dhe kjo është e shtrirë në të gjitha sektorët.

“Remitancat kana shfaqur tendencë në rritje, duke u rritur me 9.8 %. Investimet e huaja direkte kanë shfaqur rritje gjatë këtij viti. Investimet janë shpërndarë në të gjitha sektorët, ndërsa sektori i pasurive të paluajtshme ka qenë më i madh. Inflacioni ka qenë kryefjala dhe temë që kemi diskutuar më shumë në 2022. Në nëntor parë inflacion më të ulët se në muajin tetor”, tha ajo.

Ajo tha se borxhi publik ka ardhur në reduktim, ndërkohë theksoi se deri në fund të vitit pritet që borxhi të zbresë në 68.8 për qind.

“Borxhi publik ka ardhur në reduktim. Ne presim që deri në fund të vitit të shkojë 68.8 % dhe të reduktohet gjatë periudhës në vazhdim. Ne presim që ekonomia të performojë dhe në tre mujorin e katër, dhe gjatë vitit të ardhëm presim 2,6 rritje, bazuar në treguesit e deritanishëm të ekonomisë”, tha ajo.