Presidenti i Serbisë, Aleksandër Vuçiç, ka theksuar se do ta respektojë vendimin e serbëve nga Kosova, cilido qoftë ai, dhe shtoi se do të jetë me ta në ruajtjen e unitetit serb. Vuçiç ka deklaruar në Instagram se po udhëton për në Rashkë, ku do të takohet me serbët nga Kosova.

Postimi i Plotë:

“Përsëri rrugës për në Rashkë, ku do të bisedoj me serbët nga Kosova dhe Metohia, duke e ditur se ata deri në çlirimin përfundimtar nuk do të kënaqen me asnjë vendim, me ndërgjegje dhe fytyrë të pastër, shkoj para tyre i bindur. se sot është një ditë e mirë për Serbinë, që ruajtëm paqen dhe morëm garanci për sigurinë dhe mbijetesën e serbëve, çfarëdo që të jetë vendimi i popullit tonë, unë do ta pranoj, do të jem me ta dhe do ta ruajmë unitetin serb”