Me anë të një postimi në Facebook, Xhixho thekson se për të disatën herë qeveria ka injoruar kërkesën e tyre duke mos i mbështetur financiarit.

Ky përjashtim, thekson deputetja e PL, vjen në një kohë kur të rinjtë shohin si mundësi largimin nga vendi.

“Paratë janë aty, por qeveria nuk zgjedh t’i ndajë me qytetarët, duke ua shpërfillur kërkesat studentëve. Paratë shkojnë për pagesat e inceneratorëve, për koncesionet e PPP-të nga të cilat përfitojnë direkt klientët e qeverisë”, shkruan deputetja.

Reagimi i Xhixhos

Studentët, të përjashtuar sërish nga lëmosha e asaj që kryeministri e quajti “pako e madhe”.

Qeveria injoroi për të disatën herë kërkesën e tyre, duke mos i mbështetur financiarisht në kulmin e krizës së çmimeve.

Qeveria “Rama” nuk i mbështeti studentët as sa Kosova, me 100 euro në muaj.

Mazhoranca e rrëzoi me forcën e kartonit dhe arrogancën e pushtetit amendamentin që propozuam për Buxhetin e 2023, për t’u dhënë studentëve mbështetje financiare sa Kosova.

Studentëve sot u janë rritur qiratë nga 300-400 euro, kostot e transportit, veshjeve e librave. Jetesa e tyre sa vjen e bëhet më e vështirë.

E ndërkohë që qytetarët varfërohen, qeveria pasurohet. Kjo qeveri mblodhi 500 milionë euro më shumë përmes taksave gjatë vitit që lamë pas.

Përjashtimi i studentëve nga ndihma financiare ndodh kur mbi 70% e të rinjve e shohin të ardhmen e tyre jashtë vendit, kur 1 në 3 maturantë do të studiojë larg Shqipërisë, në një kohë kur ua kalojmë edhe ukrainasve për kërkesat për azil në vendet e BE-së, kur çdo ditë qindra të rinj shqiptarë rrezikojnë jetën në La Mansh. Ndërkohë, kjo qeveri e papërgjegjshme jep mesazhin që as i njeh studentët e as merr masa për t’ua lehtësuar sadopak jetën në këtë vend.

Axhenda e qeverisë Rama për shpopullimin e vendit duhet ndalur një orë e më parë.

Paratë janë aty, por qeveria nuk zgjedh t’i ndajë me qytetarët, duke ua shpërfillur kërkesat studentëve. Paratë shkojnë për pagesat e inceneratorëve, për koncesionet e PPP-të nga të cilat përfitojnë direkt klientët e qeverisë.