Pamjet e publikuara nga brigada e 28-të e ushtrisë ukrainase, shfaq momentin kur ushtarët ukrainas duke përdorur pushkët automatike dhe armë tjera, shkatërrojnë në ajër pesë dronë rusë. Trupat ukrainase shtinin vazhdimisht mbi dronët kamikazë rusë, madje një prej tyre shihet kur shpërthen në ajër.
Shumica e këtyre dronëve kamikazë që rusët i përdorin në Ukrainë janë prodhuar në Iran dhe quhen Shahed 136, ku për këtë veprim Teherani është kritikuar nga pothuajse të gjitha vendet perëndimore.
Në anën tjetër, Pentagoni është zotuar se do të shqyrtojë mundësinë e sanksioneve ndaj Iranit për shkak të dërgimit të këtyre dronëve në Ukrainë, që rusët i përdorin për të kryer sulme kryesisht mbi infrastrukturën energjetike të këtij vendi.
Megjithatë ukrainasit pretendojnë se shumicën e tyre kur rusët i ngritin në ajër, arrijnë t’i shkatërrojnë pa e goditur objektivin e tyre të paraparë.
