Kryeministri i Shqipërisë, Edi Rama, nga Davosi i Zvicrës ka folur për rrugën evropiane të Shqipërisë, por edhe të shteteve të tjera të rajonit.

Ai theksoi se çfarëdo që të ndodhë brenda familjes së madhe evropiane, Shqipëria do t’i mbetet gjithmonë besnike Bashkimit Evropian.

“Ne u jemi besnikë perandorive, kështu që çfarë  do të ndodhë, ne do ti mbetemi besnikë BE-së. Komiteti Politik Evropian është i mirë. Ne duam që të gjithë të jenë brenda BE-së. Francezët nuk janë shumë entuziastë që të jemi pjesë e BE-së . Gadishulli ynë është emëruar Evropë, përpara se Evropa të quhet Evropë”, tha ai.

Shefi i qeverisë theksoi se njerëzit në Bruksel duhet ta kuptojnë se ka rënë besimi në BE, dhe këtë gjë po e mbulojnë në shtim të simpatisë për presidentin e Rusisë Vladimir Putin. Sipas Ramës, ky tregues nuk gjen vend në Shqipëri, pasi vendi ynë shtoi ai është mbështetës i paepur i Bashkimit Evropian dhe Shteteve të Bashkuara të Amerikës.

“Njerëzit në Bruksel duhet të kuptojnë se besimi në BE po pëson rënie dhe Putini po shihet gjithnjë si hero, jo në Shqipëri, sepse ne jemi të përkushtuar dhe e duam BE 99 % dhe e duam SHBA 100% dhe ne duam ta ruajmë këtë”, shtoi ai.