I ndalur tek lufta ruse në Ukrainë, Stoltenberg theksoi se është e rëndësishme që Kievi të marrë mbështetjen e duhur, ndërsa falënderoi Japoninë për kontributin e dhënë.

Në këtë vizitë, sekretari i Përgjithshëm i NATO-s do të zhvillojë gjithashtu një takim edhe me kryeministrin japonez, Fumio Kishida.

Nga ana tjetër presidenti francez Emmanuel Macron ka deklaruar se vendi i tij nuk e ka përjashtuar mundësinë e dërgimit të avionëve luftarakë në Ukrainë.

Franca i ka dërguar Ukrainës sisteme të mbrojtjes ajrore, njësi raketahedhëse, topa dhe pajisje të tjera ushtarake dhe është zotuar të dërgojë mjete të blinduara të vëzhgimit dhe luftarake, por nuk ka dërguar tanke luftarake ose armatime më të rënda.