Një organizatë humanitare në Siri ka bërë apel për ndihmë urgjente nga komuniteti ndërkombëtar.
Rahaf Aboud, kreu i komunikimit në Gjysmëhënën e Kuqe Arabe Siriane, bëri thirrje për “mbështetje të Bashkimit Evropian, Kombeve të Bashkuara dhe komunitetit ndërkombëtar në përgjigje të tërmetit shkatërrues që ndodhi në Siri. ”
Aboud kërkoi që këto organizata “të ofrojnë burime dhe mbështetjen e nevojshme, përfshirë strehim, ushqim, kujdes mjekësor dhe furnizime të tjera thelbësore”.
“Ne shpresojmë që OKB-ja do t’i përgjigjet kësaj thirrjeje për mbështetje për të lehtësuar vuajtjet e atyre që janë prekur nga ky tërmet,” tha Aboud, duke folur drejtpërdrejt nga Damasku.
Këtë mëngjes, vullnetarë nga Gjysmëhëna e Kuqe Arabe Siriane kanë shkuar në zonat e prekura në Hama, Aleppo dhe Lattakia, për ti ardhur në ndihmë njerëzve të bllokuar në ndërtesat që u shembën si pasojë e tërmetit.
