Ina Zhupa, deputetja e PD-së në fjalët e saj ditën e protestës së sotme, u shpreh për qëllimin e kësaj proteste dhe të tjerave që priten të vijnë. Sipas deputetes protestat do të jenë të vazhdueshme, sepse vetëm në këtë mënyrë mund të arrijmë në një demokraci normale dhe respektimin e ligjeve.

Ajo do të qëndrojë me protestuesit për të folur me ta, pa ndërmarrë iniciativa për t’u futur në Parlament.

“Sot jemi me protestuesit, si ditën e hënë sepse këtu ndihesh më e lirë, këtu mund të flasësh me qytetarët.

Salla e parlamentit është një sallë që duhet të kesh leje për tu futur sipas Partisë Socialiste.

Unë nuk kam tentuar të futem në seancën e kaluar, kam qenë gjithë kohën me protestuesit.

Kërkesat e socialistëve ndaj nesh janë të qarta, janë kerkesa që tregojnë frikë nga ne deputetët që kanë qëllime në mbrojte të interesit publik.

Frika më e madhe është e Edi Ramës që perjashtoi 12 deputet, jo vetëm deputetët por edhe votuesit që i kanë zgjedhur ata. Do ketë protesta të tjera në vazhdimësi. te pandalura, me mision qytetar dhe revolucionar.

Nuk mund të arrijmë qëllimin vetëm me një protestë.

Protestat nuk do të ndalen derisa të arrijnë motivin e vetë, deri sa të arrijmë një demokraci normale.” u shpreh para gazetares së Fax News deputetja Ina Zhupa.