Në protestën që po mbahet sot para Kuvendit, kreu i PD Sali Berisha tha se sot qytetarët protestojnë jo për PD por për të gjithë shqiptarët. Sakaq Berisha tha se sot Parlamenti është shndërruar në bunkerin e fjalës së ndaluar, duke iu referuar përjashtimeve të deputetëve të PD.

Berisha: Në këtë protestë të jashtëzakonshme, në të cilën ju nuk protestoni për disa deputetë të PD. Nuk protestoni as dhe për PD, por për zgjedhësit 750 mijë shqiptarë që votuan për opozitën dhe kundër Ramës, por ju protestoni sot për cdo shqiptar që ka në vetëdijen e tij të cmuara idealet e lirisë.

Protestoni sot këtu për të gjithë shqiptarët që duan të besojnë se Shqipëria është vend i bekuar e mund ta bëjnë shqiptarët.

Pse bunkeri, pse ky Parlament nga tempull i fjalës së lirë është shndërruar në bunker të fjalës së ndaluar?

Shumë thjeshtë, cdo hajdut që të futet në shtëpi për të vjedhur, nëse e kap në flagrancë tenton dhe të të vrasë po mundi.

Këta në shtëpitë tona nuk futen direkt si banda, por në xhepat për pasuritë publike që vjedhin natën e ditën në terr, cdo javë, cdo muaj, cdo vit.

Njëlloj si hajdutët që futen në shtëpi me urrejtje për atë që vjedhin, i urrejnë qytetarët.
Ai i shihni ndonjëherë të takohen me qytetarët?

Vijnë te ju një herë në katër vjet me thasët e mbushur me eurot që ju kanë vjedhur ju. Vijnë për të blerë votat ose me thasë plot narko euro që i kanë siguruar nga bandat e tyre.

Blejnë vjedhin votën dhe vijnë pas 4 vitesh se u konsiderojnë ju popull opozitarë miq, por dhe mbështetësit e tyre, qenie inferiore, qenie të dyta, qenie që janë për të duartrokitur e asgjë më shumë.

Ky revolucion nuk është i PD, në të vërtetë është lëvizje e fuqishme shqiptare, një revolucion i cdo shqiptari i cili nuk mund të pajtohet që për të vjedhur taksat tuaja, rruga në Shqipëri të ndërtohet me një cmim 6 deri në 10 herë më shtrenjtë.