Deputetja e Partisë Demokratike, Jorida Tabaku ka zbardhur temat e diskutimit që janë zhvilluar me ambasadoren e SHBA, Yuri Kim dhe zyrtarin e lartë të DASH, në tre komisionet parlamentare.

Me anë të një postimi në twitter, Tabaku thekson se është diskutuar mbi klimën e biznesit, korrupsionin, problemet me kontratat selektivë, që siç thotë deputetja e PD cënojnë biznesin.

Amnistia Fiskale shkruan Tabaku, “është e keqja e madhe dhe për sa kohë do mbajë një votë në kuvend”.

“Kënaqësi diskutimi me @BizAtState mbi klimën e biznesit, korrupsionin endemik që pengon shfrytëzimin e potencialit të jashtëzakonshëm të vendit. Problemet si kontratat selektive, ligjet speciale & mungesa garës cënojnë biznesin.

Amnistia Fiskale është e keqja e madhe dhe për sa kohë do mbajë një votë në kuvend. Ajo do jetë kundër saj, pasi cënon barazinë para ligjit dhe bizneseve të ndershëm taksapagues!

Shqipëria ka potencialin për të zgjeruar më tej partneritetin strategjik me SHBA në fushën e energjisë, teknologjisë, konkurencën në porte dhe energjinë e gjelbër! Sfida kryesore mbetet emigrimi dhe meritokracia! Duhet të bëjmë gjithçka të mbajmë të rinjtë këtu”, shkruan Tabaku.