Kreu i Grupit Parlamentar i Partisë Socialiste, Taulant Balla në një komunikim për mediat tha se në seancën e fundit plenare në Kuvend, një deputete e opozitës solli brenda parlamentit një flakadan.

Ndonëse nuk përmendi identitetin e saj, Balla tha se veprimi i saj ishte i paligjshëm.

Balla shtoi se deputetja do ia jepte atë Spahos, e për ta parandaluar i kërkoi këtij të fundit që mos ta ndizte.

“Në seancën e fundit ka pasur një përpjekje për ta përshkallëzuar dhunën në Kuvend. Një deputete e PD duke përfituar nga fakti i të qenit zonjë ka futur në Kuvend një flakadan dhe pastaj atentatori do ishte zoti Spaho. Për fat të mirë duke qenë se dhe unë ju drejtova publikisht i thashë “zoti Spaho mos e shkrep flakadanin”. Shpresoj që akte të tilla dhune mos ndodhin në Kuvend”, tha Balla.