Deputeti i PD-së Luan Baçi, gjatë seancës së sotme plenare, diskutoi mbi vendimin e byrosë për përjashtimin e deputetëve dhe kërkesat legjitime të opozitës të cilat sipas tij janë shpërfillur. Ai përmend tre kërkesat kryesore të cilat janë arsyeja që është kërkuar dhe përjashtimi i deputetëve të opozitës, ndër to janë ngritja e Komisionit Hetimor për skandalin Rama-McGonigal, një interpelancë dhe mocioni me debat.

Gjithashtu Baçi tha:“…Absolutisht do ti përmbahem procedurës. Une sot mbarova dënimin politik dhe u ktheva në parlament, por duhet të orientoni gardën në lidhje me rregullat e përjashtimit, pasi u futa me vështirësi. Sinqerisht më vjen keq për punonjësit e gardës, që sipas tyre i kanë urdhërat me shkrim po nuk na kanë treguar gjë.

Për përjashtimin që është bërë, nuk ma keni ndërprerë fjalën, vetëm në media ka qarkulluar që unë jam ndërprerë për shkelje të etikës. Sekretariati i etikës, që s’ka etik, i kërkuam që të vijnë kolegët e përjashtuar.

Kërkojmë llogari për deputetët e përjshtuar dhe ata që kanë firmosur. Zonja kryetare, që të dal te procedura do bëj një parashtrim të gjithë cështjes që ta kuptojnë të gjithë qytetarët.

Çfarë kemi kërkuar ne?

Kemi kërkuar ngritjen e Komisionit Hetimor Parlamentar për skandalin e madh Rama-McGonigal.
Kërkesë për interpelancë.
Kërkesë për mocion me debat dhe e shtyni në afatin e fundit.
Kërkojmë të drejtat tona, çfarë duhet të bëjmë më tepër?!

Skandalin e McGonigal nuk do ta harrojmë kaq lehtë. Kërkesa e opozitës për Ngritjen e Komisionit Hetimor, është një e drejtë e mbrojtur dhe nga Gjykata Kushtetuese.”