Ish-kryeministri Sali Berisha shprehet se Partia Demokratike qëndron në këmbë më e fortë se kurrë pavarësisht vendimit të gjykatës për vulën.
Në një prononcim nga selia e PD-së, Berisha akuzoi kryeministrin Rama se ka instrumentuar këtë vendim për të goditur opozitën.
Berisha: Çdo demokrat, që ka minimumin e lidhjes me këtë parti, e ftoj të dënojë me ashpërsi aktin e turpshëm, antikushtetues të Ramës duke shfrytëzuar veglat e tij, Basha-Brava. Çdo zyrtar i PD-së, cdo mbështetës e ka të qartë aktin armiqësor dhe atë askush të mos mendojë se ne do mposhtemi nga armët e Edi Ramës. Ne jemi sot në këmbë më të fortë se kurrë.
