Deri më 20 mars të mbyllet miratimi i kandidaturave. Kështu u shpreh Enkelejt Alibeaj, pas mbledhjes me disa deputetë të grupit të tij. Ndërkohë shtoi se fokusi i tyre janë zgjedhjet e 14 majit.
“Kjo ishte një mbledhje e radhës dhe do të jenë më të shpeshta, tashmë që jemi futur në fushatë. Diskutimet janë të fokusuara në aspektin organizativ, deri në datën 20 kemi vendosur të përmbyllet procesi i miratimit të kandidaturave për Këshilla bashkiakë, Janë vendosur detyra përkatëse të grupit të punës”- tha Alibeaj.
