Gjendet i djegur mjeti i përdorur në atentatin në Don Bosko mbrëmjen e djeshme. Mjeti tip “BMW” është gjetur i djegur në afërsi të Bubqit teksa brenda janë gjetur edhe dy armë zjarri, tip kallashnikov.

Armët dhe makina do t’i nënshtrohen ekspertizës. Viktimë e të shtënave mbeti banakierja e lokalit Mimoza Paja.

Si pasojë e të shtënave u plagosën edhe 5 persona ndërsa mbesa e saj 10 vjeçare u lëndua gjithashtu.

Të plagosur mbetën Astrit Meraj, 42 vjeç, Emanuel Sala, 47 vjeç, Ermir Bejuku, 45 vjeç, Genc Shohalli, 55 vjeç dhe Sahit Murati, 50 vjeç.

Ndërkohë nga hetimet pista kryesore është ajo e përplasjes mes bandave, në lokalin e Fajon Muratit, një emër i njohur për drejtësinë. Ai dyshohet se ka shkuar në Turqi duke thyer edhe masën e arrestit.

Sipas të dhënëve mësohet se 28-vjeçari ka shkuar fillimisht në Kosove e më pas është larguar drejt Turqisë.