Është hedhur sot shorti për caktimin e relatorit për ankimimin e grupit Alibeaj në KAS.
Rezultatet e shortit përcaktuan relator të kërkesës ankimore të depozituar nga PD, anëtarin e KAS Koli Bele.
Pas vendimit të KQZ për mos regjistrimin e Partisë Demokratike për zgjedhjet lokale, përfaqësuesi i Alibeajt, Indrit Sefa njoftoi depozitimin e ankimit në KAS.
Sefa e konsideroi vendimin e Celibashit vendimmarrje politike dhe të pabazuar në ligj.
Ankimimi kërkon shfuqizimin e vendimit nr.172, datë 14.03.2023 të Komisionerit Shtetëror të Zgjedhjeve “Për shqyrtimin e kërkesës së “Partia Demokratike” për regjistrimin si subjekt zgjedhor për zgjedhjet për organet e qeverisë vendore të datës 14.05.2023”.
Po ashtu, kërkohet regjistrimi si subjekt zgjedhor i “Partisë Demokratike të Shqipërisë sipas kërkesës nr. 27, datë 05.03.2023 dhe dokumentacionit shoqërues të saj, dhe të protokolluar në KQZ në datën 06.03.2023 me Nr.1337 Prot të paraqitur në emër të Partisë Demokratike nga përfaqësuesi Indrit Sefa.
