Një viktimë dhe një i plagosur ky është bilanici i aksidentit rrugor të ndodhur orët e para të mëngjesit të së martës në autostradën Fushë Krujë–Thumanë.

Një automjet tip “Benz” humbi kontrollin dhe u përplas me barrierën anësore metalike. Si pasojë e goditjes së fortë humbi jetën në vend pasagjeri Luan Dukaj, 50-vjeç ndërsa mori plagë të shumta në trup shoferi 34-vjeçar i mjetit, Julian Koçaj.

I plagosuri u dërgua me urgjencë drejt spitalit të Traumës në kryeqytet, ku ndodhet në gjendje të rëndë.

Shkak për aksidentin dyshohet se u bë shpejtësia e lartë por nuk përjashtohet as mundësia që shoferin ta ketë zënë gjumi.