Kreu i Partisë së Lirisë, Ilir Meta në mbështetje të kandidatit të opozitës për Bashkinë e Vorës, Indrit Hoxha, ka zhvilluar takime me qytetarët e kësaj zone.

Në fjalën e tij, Meta ka theksuar se zgjedhjet më 14 Maj kanë një rëndësi madhore për të gjithë qytetarët e Vorës.

“Në Vorë pritet me padurim ndryshimi, sepse banorët kanë nevojë urgjente për një Bashki funksionale dhe në shërbim të tyre. Ata që falimentuan bashkinë e Vorës, në 14 Maj do të falimentojnë dhe veten e tyre. Vora me kryetarin e ri, z. Indrit Hoxha do të jetë pas 14 Majit lokomotivë e zhvillimit të vrullshëm ekonomik”, shkruan Meta në një postim në rrjetet sociale.

POSTIMI I PLOTE

Ata që falimentuan bashkinë e Vorës, në 14 Maj do të falimentojnë dhe veten e tyre.

Vora me kryetarin e ri, z. Indrit Hoxha do të jetë pas 14 Majit lokomotivë e zhvillimit të vrullshëm ekonomik.

Bashkë do të fitojmë në Vorë, së bashku me banorët e mrekullueshëm dhe të palodhur të kësaj zone, të cilët si kudo në të gjithë Shqipërinë po përballen me kostot e larta të jetesës dhe rënien e fuqisë blerëse.

Në Vorë pritet me padurim ndryshimi, sepse banorët kanë nevojë urgjente për një Bashki funksionale dhe në shërbim të tyre. Prandaj 14 Maji ka një rëndësi madhore për të gjithë qytetarët e Vorës. T’ia rikthejmë Vorës bashkinë, t’ua rikthejmë qytetarëve dhe të rinjve shpresën për të ardhmen.