Sali Berisha ka zhvilluar ditën e sotme në Tiranë, një takim me krerët e degëve të PD-së dhe FRPD-në. Gjatë fjalës së tij, Berisha foli dhe për marrëdhënien mes kryeministrit Edi Rama dhe kryetarit të Bashkisë Tiranë, Erion Veliajt. Kryedemokrati e shikon aktin e sotëm të mbjelljes së pemëve nga Rama dhe 61 kandidatët për Kryebashkiakë, si një përgjigje ndaj Veliajt, i cili shpesh është marrë me mbjelljen e pemëve në kryeqytet. Berisha shprehet se, ka një armiqësi mes dy të majtëve, një armiqësi e thellë, që transmetohet nëpërmjet këtyre simbolikave, por që në fund Berisha thotë se kokën le t’ia hanë njëri-tjetrit.

Berisha: Rama sot ishte i nxirë në atë recitim që bëri sot. Ajo nxirje flet shumë. E parandien humbjen e tmerrshme. Erion Veliaj u tha qytetarëve se kur Rama ishte kryebashkiak ata merrnin vetëm 2 orë e gjysmë ujë, edhe këtë e gënjeu sepse nuk rri dot pa gënjyer. Ky po ja kthen me pemë, po mbjell 1 muaj rresht 60 pemë në ditë, 1800 pemë, për t’i thënë që ai pylli me 1 milionë pemë është më i shtrenjtë. Ata janë aq të regjur, armiqësia e tyre është e thellë. Kokën le t’i hanë njëri-tjetrit, do japin përgjigje në 14 maj