Një bombol gatimi ka shpërthyer në një banesë në Librazhd.
Mësohet se i lënduar ka mbetur një 74-vjeçar me iniciale S.Q., i cili ndodhet jashtë rrezikut për jetën.

Dyshohet se shkak për shpërthimin e bombolës është bërë rrjedhja e gazit por policia po punon për zbardhjen e plotë të ngjarjes.

Njoftimi i policisë:

Mëngjesin e sotëm, në lagjen nr. 1, Librazhd, dyshohet se për shkak të rrjedhjes së gazit, ka shpërthyer një bombol e vogël gatimi, në banesën ku jetonte i vetëm shtetasi S. Q., 74 vjeç.

Si pasojë, është dëmtuar lehtë, jashtë rrezikut për jetën, 74-vjeçari, i cili është në kujdesin e mjekëve.

Grupi hetimor po punon për dokumentimin e plotë ligjor të shkakut të kësaj ngjarjeje.