I riu me iniciale E.B., ka vjedhur shuma të ndryshme parash në një farmaci më 31 janar dhe dy muaj më vonë ka grabitur sërish një tjetër. Pamjet e sigurisë kanë fiksuar momentin kur i riu hyn në ambientet e biznesit dhe vjedh xhiron ditore, ndërsa punonjësja ka treguar rezistencë duke e ndjekur nga pas për mos ta lejuar që të largohet.
Uniformat blu po hetojnë për vjedhje të tjera që mund të ketë kryer 37-vjeçar, ku në cilësinë e provës materiale i kanë sekuestruar veshje.
Njoftimi i policisë:
Finalizohet operacioni policor i koduar “Tracing”, për goditjen e veprimtarisë kriminale në fushën e vjedhjes së pronës dhe pasurisë. Zbardhen 3 raste të vjedhjes në farmaci, të kryera në Tiranë, gjatë muajve të fundit. Vihet në pranga 37-vjeçari, i cili dyshohet si autor edhe i disa vjedhjeve të tjera.
Sekuestruan veshje të cilat dyshohet se autori i ka përdorur gjatë kryerjes së vjedhjeve. Shërbimet e Komisariatit të Policisë Nr. 6, në vijim të punës për goditjen e paligjshmërisë në fushën e vjedhjes së pronës dhe pasurisë, bazuar dhe në inteligjencën informative, organizuan dhe finalizuan operacionin policor të koduar “Tracing”.
Si rezultat i këtij operacioni u vu në pranga shtetasi E. B., 37 vjeç, banues në Tiranë, për veprën penale “Vjedhja”.
Nga veprimet hetimore ka rezultuar se ky shtetas ka kryer disa vjedhje, gjatë muajve të fundit, në disa farmaci në Tiranë. 3 prej këtyre vjedhjeve janë dokumentuar me prova ligjore, konkretisht:
– Më datë 31.01.2023 dhe më datë 19.03.2023, ka vjedhur shuma të ndryshme parash, në një farmaci, në rrugën “Teodor Keko”;
