Banorët e Bërxullës kanë dalë sërish në protestë. Ata protestojnë në aksin Thumanë-Kashar.

Kryeplaku i fshatit, ka treguar sot, që janë denoncuar nga policia e Vorës në Prokurori.

Banorët thonë që ndihen të rrezikuar, pasi duan t’i “fusin në burg”, për shkak të protestave të tyre. Sipas tyre, janë duke u bërë veprime jo legjitime nga ana e shtetit.

Kërkesat e tyre, janë që të zbatohen rregullat e përcaktuara nga ligji, që u mundëson atyre, kompensimin e mjaftueshëm, nga pasojat e projektit. Nga Hipoteka, thonë ata, po bëhen dokumenta me sy mbyllur.

“Nuk do dorëzohemi ndaj këtij projekti”, sakaq kanë thirrur dhe kryeministrin Rama për një bisedë së bashku.