Kryeministri Edi Rama është ndalur sot në një takim elektoral në Kolonjë, ku ka kërkuar një mandat të ri për ish-aktorin e humorit Erion Isai. Ky i fundit tha se Rama është kryeministri më i mirë në 100 vite, duke iu referuar sipas tij punëve që janë bërë për Kolonjën.

Rama tha se kjo ishte hera e tij e fundit që vinte në Kolonjë, pa përfunduar rruga që e lidh me Korçën. Nuk kurseu as kundërshtarët kur tha se ata duan vota që të marrin peng bashkitë.

Erion Isai: Mirëserdhe për herë të gjashtë në këto 3 vite e gjysmë në Kolonjë. Nuk e përmenda kot këtë numr, për shkak të kujdesit dhe vëmendjes që ju keni pasur për Kolonjën. Jeni kryeministri që ka bërë më shumë punë në 100 vite.

Edi Rama: Shumë faleminderit dhe më vjen shumë mirë që kjo është hera e fundit që vij këtu dhe rruga nuk është e përfunduar, se besoj se brenda verës ne do të kemi mundësi të vijmë dhe të bëjmë rrugën nga pazari i Korçës në sheshin e Kolonjës për 20 minuta. Ju e dini më mirë se unë se çfarë torture ka qenë rrugë.

Kolonja është një nga bashkitë më të gjelbërta të vendit tonë, ketu ka qenë një plagë shumë e vjetër, që në këtë fushatë për herë të parë ne nuk do të flasim për ujë të pijshëm në 24 orë, se e kemi çuar edhe më shumë se përpara periudhës së quajtur demokraci.

Nuk e di se për çfarë arsye në botë atyre ju gënjen mendja që do marrin vota në Kolonjë, ka akoma njerëz që shërbimi i ujit të pijshëm do të duhet të jetë më mirë. Në Kolonjë është angazhim 100% i mbajtur.