Shpërthimi i bombolës së gazit në shtëinë e dy të moshuarëve mengjesin e kësaj të diel ka tronditur vendin. 84-vjeçarja, Alije Kosova, ka humbur jetën, pasi në banesën e saj shpërtheu një bombol gazi.

Shpërthimi ka qenë shumë i fuqishëm, aq sa për pasojë është shembur një pjesë e banesës. Për shkak të shembjes ka qenë e pamundur nxjerrja e 84- e për pasojë humbi jetën.

Burimet bëjnë me dije se shkaku i shpërthimit ka qenë rrjedhje e bomoblës së gazit për gatim 10 kg, e cila ka krijuar eksplozion si rezultat i flakës së lirë.

Ngjarja ka ndodhur rreth orës 06:00 në lagjen “11 Janari”. Alie Kosova, 84-vjeç, dhe Mustafa Kosova, 86 vjeç, jetonin të vetëm në banesën e tyre. Bashkëshorti i saj është arritur që të nxirret i pari nga rrënojat nga forcat zjarrfikëse dhe është dërguar në spitalin e Traumës për të marrë ndihmën mjekësore të nevojshme. Për shkak të shembjes së madhe në banesë, nuk është bërë dot nxjerrja e 84-vjeçares e cila kishte mbetur nën rrënoja. Ajo është gjetur në shtrat, pasi ka qenë e paralizuar dhe nuk ka lëvizur dot.

Sakaq, Mustafa Kosova është nisur drejt spitalit të Traumës për të marrë ndihmë mjekësore për shkak të plagëve të shumta që ka marrë pas shpërthimit të bombolës së gazit në banesën e tij në Kuçovë.