Pas denoncimit të skandalit nga Arbitrazh në emisionin e parë të klinikes KEIT, e cila kishte kryer një ndërhyrje kirurgjikale në hunde të Ermira Çelës dhe pasi Live në emision avokatja i bëri thirrje për ndërmjetësim për rikuperimin e dëmit të shkaktuar pacientes,nuk ka asnjë veprim nga ana e Klinikës KEIT megjithëse kjo e fundit ka pranuar dëmin e shkaktuar.

I vetmi reagim i klinikës ka qenë kundrejt pacientes e cila ka denoncuar faktin. Dhe konkretisht, reagimi ka qenë në mediat sociale në integruam ku administrator i Klinikës “KEIT” Skerdi Faria edhe pse përsëri e pranon komplikacionin e ndodhur duke u shprehur “komplikimet janë pjesë e profesionit” ai përsëri nuk ndërmerr hapa për të zgjidhur problemin edhe pse denoncuesja Ermira Cela vazhdon të vuajë pasojat e kësaj ndërhyrje kirurgjikale.

Arbitrazh në puntatën e tij të parë, solli me zë dhe figurë personat përgjegjës të shkaktimit të dëmit të cilët ishin Kirurgu që kishte kryer ndërhyrjen, një punonjëse e Klinikës KEIT dhe administratori Skerdi Faria, të cilët të gjithë e pranuan fajin por problem vjen tek zgjidhja.

Ne i mëshojmë zgjidhjes sepse ky është qëllimi i emisionit ARBITRAZH. Mbas denoncimit të rastit të Ermira Celës sërish kanë ardhur denoncime nga qytetarë të tjerë për këtë klinikë edhe të tjera të këtij lloji të cilat do ti shfaqim në emisionet e ardhshme.

Edhe njëherë Arbitrazh është i fokusuar në zgjidhjen e problemit të denoncuesve dhe për ne nuk ka aspak rëndësi se kush është shkelësi i ligjit pasi me atë merren organet ligj zbatuese.