Erion Veliaj, u rizgjodh si kryetar për Bashkinë Tiranë edhe për 4 vitet e ardhshme.

Veliaj fitoi në garën mes 6 kandidatëve me 54.69% të votave, pra arriti të mbledhë 158743 vota në total nga 941 qendra votimi.

Të dhënat nga KQZ tregojnë për një fitore të thellë të Veliaj, me mbi 58 mijë vota diferencë nga kandidati i “Bashkë Fitojmë” Belind Këlliçi.

Më pas me renditet Arlind Qorri nga Lëvizja Bashkë me 13.835 vota, Roland Bejko i PD me 12.388. Marko Dajti nga Fronti i Majtë 2807 vota kurse Lajla Pernaska 2104.

Sakaq në zgjedhjet e 14 majit, PS fitoi në 53 bashki të vendit, “Bashkë Fitojmë” në 7 dhe “Mega” në 1.

Në selinë e PS-së, socialistët po festojnë fitoren e Veliajt, në takimin falenderues që ai është duke zhvilluar.