Nga nesër, kryeministri Edi Rama do të nisë një tur falenderimi në të gjithë Shqipërinë. Por do të nisë nga Shkodra, Bashki që merret për herë të parë nga Partia Socialiste që nga rënia e komunizmit.

Kryeministri Edi Rama do të nisë nesër turin për të falenderuar të gjithë qytetarët që votuan Partinë Socialiste dhe bënë të mundur fitoren e zgjedhjeve vendore të 14 majit. Takimi do të nisë në orën 16:00 pasdite, ndërsa kreu i qeverisë do të shoqërohet edhe nga ministrat e kabinetit të tij.

Pas 14 majit, PS fitoi zgjedhjet në 53 bashki në zgjedhjet vendore të 14 majit, duke përfshirë bastionet e përhershme të Partisë Demokratike si Shkodra; koalicionit “Bashkë fitojmë” mori 7 bashki, ndërsa 1 bashki e mori partia MEGA.