Mbrëmjen e kaluar është grabitur një pikë karburanti .Ngjarja ka ndodhur në Lezhë, pranë kryqëzimit të Shënkollit.

Persona të maskuar dhe të armatosur kanë marrë xhiron e karburantit, prej 1 milionë lekësh. Autorët kanë kërcënuar me pistoletë dhe shkop bejsbolli.

Policia dhe grupi hetimor kanë sekuestruar kamerat e sigurisë për të bërë të mundur identifikimin e autorëve.

“Në orët e vona të mbrëmjes së djeshme, në aksin rrugor Lezhë-Tiranë, dy persona ende të paidentifikuar, me anë të presionit i kanë marrë një sasi lekësh (xhiron ditore) punonjësit të një karburanti. Grupi hetimor po punon për zbardhjen dhe sqarimin e plotë të rrethanave të ngjarjes, identifikimin dhe kapjen e autorëve”, njofton policia.