Viktima në Kavajë është Arjan Gosa. Pak minuta më parë është njoftuar për disa të shtëna në një lokal në Kavajë. Sipas informacioneve, ka mbetur një person i vrarë, shtetasi Arjan Gosa.

Mësohet se autori ka qëlluar viktimën dhe më pas është larguar. Ngjarja ka ndodhur në një lokal në hyrje të qytetit, ndërsa grupi hetimor ndodhet në vendngjarje, ku janë sekuestruar disa kamera sigurie të lokalit por dhe të bizneseve aty, me qëllim identifikimin e autorit.

Për sa i përket viktimës ai është me precedent të mëparshëm penal, ndërsa dyshohet se hakmarrja është pista kryesore ku janë përqendruar hetimet.

Njoftimi i Policisë: Kavajë/Informacion paraprak

Më datë 21.05.2023, rreth orës 18.30, në lagjen Nr. 1, në Kavajë, në një lokal, një person ende i paidentifikuar ka vrarë me armë zjarri pistoletë shtetasin A. G.

Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit.

Grupi hetimor nën drejtimin e Prokurorisë ndodhet në vendngjarje dhe vijon veprimet hetimore për sekuestrimin e provave me qëllim identifikimin dhe kapjen e autorit.

Paraprakisht nga të dhënat e grumbulluara dyshohet se ngjarja ka ndodhur për motive hakmarrje.