Qeveria ka shpallur fituesin e koncesionit për ndërtimin e portit turistik të Vlorës. Sipas Ministrisë së Infrastrukturës dhe Energjisë fituesit e projektit “Marina Vlorë” janë bashkimi i përkohshëm i shoqërive “Marina di Valona” sh.p.k, “Marina Projects” ltd , “Brunes” sh.p.k. dhe “Ndregjoni” sh.p.k, ku kompania fituese ka ofruar një investim me vlerë 22.8 milionë euro.
Në garën e shpallur në janar të këtij viti, morën pjesë 3 kompani, ku dy prej tyre u skualifikuan për shkak të mungesës së dokumentacionit si dhe mosplotësimit të kritereve të kërkuara.
Kjo vepër pritet të bëhet pjesë e e projektit “Marina Vlorë” dhe do të ndërtohet në portin ekzistues të mallrave, i cili do të zhvendoset në zonën e Triportit.
Porti i ri turistik i Vlorës pritet të jetë i aksesueshëm gjatë gjithë vitit dhe parashikohet të akomodojë minimalisht rreth 400 anije e jahte.
