Sot në Kosovë do të filloj vaksinimi antiCOVID.Procesi i vaksinimit zyrtarisht nis në Klinikën Infektive dhe sallën “1 Tetor”

Pas nisjes së shpërndarjes së dozave të para në Kosovës, ministri i Shëndetësisë, Arben Vitia ka deklaruar se profesionistët shëndetësor të Klinikës Infektive do t’i marrin vaksinat në Klinikë, ndërsa deklaroi se 24 mijë dozat e AstraZenecës të ardhura në Kosovë do shpërndahen për 24 mijë qytetarë të Kosovës.

Mbrëmë kryeministri i Kosovës, Albin Kurti u vaksinua në sallën “1 Tetori” në Prishtinë, e më pas zyrtarja e OBSH-së në Kosovë, Isme Humolli, infektologu Sali Ahmeti dhe aktori Selman Jusufi.

Ministri Vitia ka thënë se me arritjen e kontingjenti të parë të vaksinave, të parët që do të fillojnë të vaksinohet do të jenë personeli shëndetësor të cilët janë në vijë të parë të frontit dhe personat mbi moshën 80 vjeçare me sëmundje kronike më të mëdha.

Të dielën mbrëma ka ardhur kontingjenti i parë i vaksinave antiCOVID-19 me rreth 24 mijë doza.Këto dërgesa, të parat për Kosovën, janë siguruar nga programi COVAX i Organizatës Botërore të Shëndetësisë, i cili synon furnizimin me vaksina të vendeve në zhvillim.