Kryeministri i vendit Edi Rama, gjatë pjesëmarrjes së tij në konferencën globale të sigurisë Globsec zhvilluar ditën e sotme në Bratislavë është takuar edhe me presidentin francez Emmanuel Macron.

Nëpërmjet një postimi në Facebook, Rama shkruan se në këtë takim u diskutuan tema që kanë lidhje me konfliktin në Ukrainë, por edhe marrëdhënia e Ballkanit Perëndimor me BE-në si edhe nevoja për një qasje të re politike-ekonomike.

“Me Presidentin e Republikës së Francës, Emmanuel Macron, në një takim shumë miqësor, ku u prekën me thellësi temat e rajonit tonë në sfondin e konfliktit në Ukrainë, marrëdhënia e Ballkanit Perëndimor me BE-në dhe nevoja për një qasje të re politiko-ekonomike, si edhe marrëdhëniet bilaterale Francë-Shqipëri”, shkruan Rama në Facebook.