Para se të rrëfente vrasjen e Giulia Tramontano-s, partneri i saj Alessandro Impagnatiello u mbush me fyerje kur u largua nga shtëpia e tij në Senago, në zonën milaneze.
Burri jetonte me partneren e tij, e cila u raportua e zhdukur të shtunën dhe në muajin e shtatë të shtatzënisë.
Jashtë banesës janë mbledhur disa persona nga zona dhe kanë pritur 30-vjeçarin duke bërtitur dhe hedhur sharje në drejtim të tij. Burri ka dalë me makinë dhe i është drejtuar komisariatit ku pranoi edhe krimin.
30-vjeçari, me profesion bariste në një hotel luksoz në Milano, ka rrëfyer para prokurorit Alessia Menegazzo, se ku e kishte fshehur trupin e partneres së tij, në një ndërtesë të vjetër jo shumë larg shtëpisë së çiftit.
Sipas asaj që rezultoi, burri do t’u kishte thënë hetuesve se gjithçka e kishte bërë vetë, edhe në fazën e fshehjes së trupit. Ai do të përpiqej të digjte trupin, por nuk ia doli. Në fakt, ajo nuk ishte e djegur plotësisht kur u gjet.
Vrasja dyshohet se ka ndodhur në shtëpi mbrëmjen e së shtunës, pasi atë ditë Giulia Tramontano kishte takuar gruan, kolegen amerikane të Impagnatiellos, me të cilën i dashuri i saj kishte muaj që kishte një lidhje paralele pa dijeninë e saj.
Tashmë kundër Impagnetiello janë grumbulluar elementë të ndryshëm, duke përfshirë, përveç mospërputhjeve në versionin e raportimit të tij të zhdukjes të së dielës, mbi të gjitha gjurmët e gjakut të gjetura në makinën e tij dhe pamjet e kamerave të vëzhgimit në zonë.
