Dasma e Elgit Dodës dhe Klea Hutës rrëmbeu vëmendjen e të gjithëve ditën e djeshme. Në një ceremoni në Jug të vendit, para djalit të tyre Krid, familjarëve dhe miqve, çifti i thanë “PO” njëri-tjetrit.

Historia e tyre e dashurisë nisi rreth shtatë vjet më parë, kur bashkëpunuan për këngën “Amla”, ndërsa tashmë janë prindër të një djali të quajtur Krid, i cili një ditë më parë mbushi 3 vjeç.

Pas kurorëzimit të dashurisë, Klea ka ndarë një mesazh në rrjetet sociale për të gjithë. Teksa ndan disa nga momentet e dasmës në Instagram, ajo falënderon ata që e përkrahen e sidomos Krid dhe Elgitin.

“E lumtur dhe e plotesuar! Faleminderit cdokujt qe sot ndan kete moment me ne, e lumtur t’ju kem. Faleminderit Zotit per cdo bekim, jam mirenjohese! Elgit Doda Faleminderit ty per gjithcka.. Te dua! Gezuar ditelindjen jeta ime @kriddoda, mami dhe babi do perpiqen gjithe jeten te te dhurojne vetem kujtime te lumtura“, shkruan Klea bashkangjitur me portretin familjar.