Rama foli për përplasjet që ka pasur që mes tij dhe Kurtit lidhur me draft asosacionin e tij, ku u shpreh se pret që Kurti fillimisht ta lexojë. Duke folur për tensionimin e marrëdhënieve, ai tha se Kosova po hynë në një rrugë me përplasje dramatike me euroatlantikët.

“Marrëdhënia e Shqipërisë me Kosovën është një marrëdhënie vllazërie. Ne jemi një aleat i NATO-s, nuk ka shans që ne të lëvizim nga ky bosht. Unë isha 100% me Albinin dhe Kosovën se zgjedhjet duheshin mbajtur, pasi janë instrument i demokracisë. Në atë rast kamë dhënë dhe unë kontributin tim modest, por sot jo vetëm nuk ndajmë mendimin si po veprohet, por jemi 100% kundër mënyrës se si po veprohet.

Marrëdhëniet mes dy shteteve nuk vihen në diskutim nga askush, aq më pak nga një situatë ku Kosova po kërcënohet nga një arsye e mosarsyes së një lobimi politik. Nuk e kuptojmë se kush është strategjai e Kkosovës në këtë pikë, drejt përplasjes me euroatlantikët”, tha Rama.