Një aksident i rëndë ka ndodhur në orët e para të kësaj të premteje në rrugën dytësore Tiranë-Durrës, ku një person ka humbur jetën dhe janë plagosur 2 të tjerë.

Viktima është një 35-vjeçar, ku makina tip “BMW X5” me të cilën udhëtonte ka dalë nga rruga dhe është përplasur me barrierat.

Nuk dihet ende shkaku i aksidentit por polici ka nisur punën për zbardhjen e rrethanave.

Njoftimi i policisë

Më datë 16.06.2023, rreth orëve të para të mëngjesit, në rrugën dytësore Tiranë-Durrës, një automjet tip “BMW X5”, dyshohet ka dalë nga rruga dhe është përplasur me mbajtësen anësore të rrugës.

Si pasojë e aksidentit ka ndërruar jetë shtetasi V. M., 35 vjeç, si dhe janë dëmtuar shtetasit E. H., 34 vjeç, dhe shtetasi E. C., 32 vjeç, të cilët ndodhen në spital, nën kujdesin e mjekëve.

Grupi hetimor po punon për sqarimin e rrethanave të aksidentit.