Gjirokastra e traditës, kulinarisë, kulturës mirëpriti mbrëmjen e djeshme mijëra vizitorë vendas dhe të huaj në edicionin e 11-të të tij. Festivali Folklorik Kombëtarë bëri bashkë dorë për dore ngjyrat, motivet, ritmet, këngët e vallet e gjithë krahinave të Shqipërisë.

Festivali Folklorik Kombëtar, që pritet të zgjasë një javë ku do të performojnë 1200 artistë.

Natën e parë të festivalit u ngjitën në skenë Qarku i Beratit, Qarku i Kukësit dhe Ansambli i Këngëve dhe Valleve të Republikës së Maqedonisë së Veriut ku artistët popullorë sollën vlerat më të arrira të këngëve, valleve popullore, riteve, etnografisë të zonave që përfaqësonin.

I pranishëm në këtë event ishte dhe Kryeministri Edi Rama i shoqëruar nga bashkëshortja e tij Linda Rama të cilët ndoqën mbrëmjen në Kalanë e Gjirokastrës, e shndërruar në zemrën e Festivalit, me vizitorë të shumtë, artistë popullorë, artizanë.