Kryetarja e Kuvendi Lindita Nikolla është përplasur me deputete Albana Vokshi, në diskutimet për projektligjin për Universitetin studimet për Mjekësi.

E teksa diskutimet për pr/ligjin lidhur me qëndrimit e detyruar të studentëve të Mjekësisë janë shtuar, debate të forta kanë shoqëruar edhe seancën e Kuvendit ditën e sotme.

Deputetja demokrate Albana Vokshi, është përplasur me fjalë me kryetaren e Kuvendit, Nikolla lidhur me procedurën për këtë pr/ligj, teksa e ka shoqëruar me thirrje personale duke e pyetur për shkollimin e fëmijëve të saj.

Albana Vokshi: Ku i keni çuar fëmijët tuaj për të studiuar? Qeveria ka miratuar një vendim që po e fusin në mënyrë urgjente dhe dinake…

Lindita Nikolla: Jo nuk po flet për procedurë, po flet përçart.

Albana Vokshi: Nuk jeni konsultuar, nuk ka transparentë nuk është e turpshme është skandaloze!