Operacioni i suksesshëm për Jovanottin, i cili përmes rrjeteve sociale tregoi gjoksin e fashuar dhe qetësoi fansat: “Operacioni shkoi mirë, tani dhimbja është shumë e fortë por do të kalojë. Faleminderit të gjithëve me të vërtetë, dashuria juaj është një qetësues magjik. Faleminderit”.

Artisti ndodhet në Santo Domingo dhe përfundoi nën bisturi pas një rënieje të keqe në biçikletë e cila i theu klavikulën dhe femurin.

Jovanotti është gati për rehabilitim. Sigurisht që atij nuk i mungon dëshira për t’u rikthyer në këmbë dhe dashuria e publikut do t’i japë grintën e duhur për të luftuar dhe për t’u rikthyer në top formë në kohën më të shkurtër të mundshme.