Është dënuar me 7 muaj burg Faruk Fatih Özer, i quajtur ndryshe dhe si bosi i kriptomonedhave, i cili qëndroi për disa muaj i fshehur në Shqipëri.

Themeluesi i THODEX është dënuar me arsyetimin se nuk i ka dorëzuar Bordit të Inspektimit Tatimor dokumentet e kërkuara. I pandehuri Faruk Fatih Özer ishte i lidhur me seancën në Gjykatën e 17-të Penale të Shkallës së Parë të Anadollit nëpërmjet sistemit SEGBİS.

Faruk Fatih Özer, i cili bëri mbrojtjen e tij në seancë, tha, “Unë nuk kam qenë zyrtar i kompanisë në kohën e krimit, u caktua një administrues i besuar, kështu që nuk mund t’i dorëzoja librat edhe sikur të doja, kompania nuk ishte nën menaxhimin tim.”

Prokurori kërkoi që Özer të dënohej deri në 5 vjet heqje lirie me akuzën e “kontrabandës” sipas Ligjit të Procedurës Tatimore. Duke shpallur vendimin e saj, gjykata vendosi të dënojë Faruk Fatih Özerin me 1 vit e 6 muaj për akuzën e “kontrabandës” sipas Ligjit të Procedurës Tatimore.

Më pas, gjykata ia uli dënimin dhe e dënoi me 7 muaj e 15 ditë burg për arsye të tilla si marrëdhëniet e tij shoqërore, sjellja e tij pas krimit dhe gjatë gjykimit dhe efektet e tij të mundshme në të ardhmen e dënimit.